Është ndarë nga jeta në moshën 77-vjeçare aktori, Bruno Ganz. Ganz vdiq në shtëpinë e tij në Cyrih mbrëmjen e kaluar, pas një lufte të ashpër me kancerin. Ai ishte një aktor i madh i kinemasë dhe i teatrit, shumë i dashur për publikun ndërkombëtar dhe i vlerësuar nga kritika.
Aktori zviceran ka luajtur role edhe në filmat e famshëm si “The Reader” dhe “The Manchurian Candidate”, megjithatë, roli i tij më i suksesshëm mbetet ai i Adolf Hitlerit në filmin “Downfall”, rol me të cilin ai u bë i njohur ndërkombëtarisht.
Në filmin “Downfalls”, paraqitet jeta e Hitlerit në ditët e tij të fundit në një bunker të Berlinit. Nga shfaqja e këtij filmi në kinematë botërore u mblodhën 92 milionë dollarë.
Ganz tha në vitin 2004 se ka studiuar incizimet e diktatorit, por nuk ka arritur ta kuptojë karakterin e tij.
“Ai nuk kishte mëshirë dhe nuk e kuptonte vuajtjen e viktimave të luftës”, ishte shprehur aktori, shkruan “BBC”./E.M
