Aktori dhe producenti i njohur francez, Alain Delon është ndarë nga jeta.
Lajmi për vdekjen e tij njoftua nga tre fëmijët e tij mëngjesin e kësaj të diele, në një deklaratë të përbashkët për shtyp për AFP.
“Alain Fabien, Anouchka, Anthony, si dhe (qeni i tij) Loubo, kanë trishtimin e pamasë për të njoftuar ndarjen nga jeta të babait të tyre. Ai ndërroi jetë i qetë në shtëpinë e tij në Douchy, i rrethuar nga tre fëmijët e tij. Familja e tij ju kërkon të respektoni privatësinë e tij, në këtë moment zie jashtëzakonisht të dhimbshëm”, thuhet në njoftimin për shtyp.
Aktori u nda nga jeta në moshën 88-vjeçare, për shkak të një sëmundje të rëndë.
Alain Delon ka qenë një nga ikonat e kinematografisë franceze. Ai ka pasur një karrierë brilante sidomos në vitet 60, 70 e 80 të shekullit të kaluar.
