TIRANE- Lutfie Visha-Muça nuk e ka mirëpritur lirimin nga burgu të motrës së saj Nazime Vishës, vajzës që vrau persekutorin Fiqiri Muça. Luftia është e martuar me vëllain e Fiqiriut dhe jeton në një shtëpi pranë të vejës së Fiqiriut e cila rrit mes skamjes 5 fëmijët e mbetur jetim.
Për shkak të kësaj lidhje familjare, Lutfija vazhdon ta cilësojë fajtore të motrën. Pyetjes së gazetares së TCH, Anila Hoxha se a do ta takojë Nazimen tani që ka dalë nga burgu, ajo shprehet: Jo!
Luftia nuk ka takuar as familjarët e saj që prej ngjarjes së rëndë që e tronditi së shumti atë. Ajo thotë se “unë dua të takoj nënën time por jo Nazimen”, duke u shprehur se nuk ka arritur ende ta falë të motrën për gabimin e rëndë që ka bërë.
Nazime Visha, e dënuar me 10 vite burg për vrasjen e abuzuesit të saj, ka lënë burgun e grave në Tiranë dje në mesditë. Ajo qëndroi 3 vite e 8 muaj në qeli, për vrasje me paramendim. 22 – vjeçares i kishin mbetur dhe 3 vite e 9 muaj burg për të kryer. Visha kishte përfituar disa herë ulje dënimi nga amnisti të ndryshme dhe sjellja e mirë. Sakaq sëfundmi Presidenti Nishani formosi dekretin për faljen e saj. Duke lënë qelinë, Nazimja u shpreh se do të vazhdonte shkollën. Ndërsa në derën e burgut u pa ta priste vetëm gjyshja e moshuar dhe asnjë pjesëtar tjetër i familjes.
