Duke folur në studion e emisionit “FAKT” në SYRI.net, ish-ministri i Drejtësisë Nasip Naço ka folur edhe për marrëdhëniet e tij me kreun e LSI-së, Ilir Meta, pas dhënies së dorëheqjes.
“Jo absolutisht, marrëdhëniet e mia me zotin Meta janë tejet korrekte, marrëdhënie besimi reciprok. Sigurisht që i kam paraqitur dorëheqjen, ka patur 4-5 rreshta, pjesën tjetër nëse kryeministri do të ishte i gatshëm do të jepte argumentet e tjera”, është shprehur Naço në SYRI.net.
Duke folur në lidhje me një takim me bashkëshorten e kryeministrit Edi Rama, Naço e ka mohur një gjë të tillë.
“Unë besoj që kjo është duke ju respektuar, për natën e Viti të Ri, nuk ka asgjë të vërtetë.
Nuk qëndron. Zonjën Rama e kam takuar vetëm 1 herë në jetën time, kur kanë qenë të gjithë ministrat dhe kryeministri. Thashë dhe njëherë kjo nuk qëndron. Unë kam kohë që nuk banoj tek shtëpia ime.
Nuk besoj se është para si shantazh si presion, unë kam diskutuar gjatë me Ramën dhe metën se pse nuk po ecën reforma, dhe në emër të Reformës në drejtësi u bllokua i gjithë procesi.
Nga viti i kaluar dy nenet që forcojnë sigurinë në burgje nuk janë kaluar, këtë duhet të bëjë çdo ministër duhet të japë dorëheqjen”, u shpreh Naço.
