NASA ka marrë sinjal nga sonda e saj Voyager 2 pasi humbi kontaktin me anijen kozmike e cila ka funksionuar për gati 46 vjet.
“Ne kërkuam ndihmën e grupeve (Deep Space Network) dhe Radio Science për të parë nëse mund të dëgjonim një sinjal nga Voyager 2,” – tha Suzanne Dodd, menaxherja e projektit të Voyager në Laboratorin Jet Propulsion të NASA-s në Pasadena, Kaliforni. “Pra, ne e dimë se anija kozmike funksionon. Kjo nagwzoi.”
Shtatë ditë më parë, mungesa e komunikimit bëri që antena e anijes kozmike të lëvizte pa dashje me vetëm dy gradë pasi kontrollorët e fluturimit dërguan aksidentalisht komandën e gabuar që e anoi atë nga Toka.
Edhe pse është një zhvendosje e vogël, mjaftoi për të ndërprerë komunikimin me Voyager 2. Por të martën, NASA tha se gjatë një skanimi mori një sinjal nga Voyager 2.
Ekipi i misionit u befasua kur ishte në gjendje të zbulonte “sinjalin bartës” të anijes duke përdorur Deep Space Network, një grup ndërkombëtar i antenave masive të radios që lejon NASA-n të komunikojë me misionet në të gjithë kozmosin./Opinion.al
