Deputeti demokristian, Nard Ndoka ka reaguar për deklaratat e kryeministrit Rama dhënë ditën e djeshme në emisionin “Top Story” të Sokol Ballës, në “Top-Channel”.
Rama tha se ai ishte i gatshëm të takohej me Putinin dhe se Shqipëria nuk ka ndodnjë armiqësi me Rusinë.
Por Ndoka e sheh këtë si një presion ndaj BE-së për përgjigjen negative në lidhje me hapjen e negociatave në dhjetor.
Shënimi i plotë:
Axhenda e Shqiperise duhet te jete vetëm Europa.
Putini dhe ISIS nuk jane as mundesi dhe as presion per Europen!
Kryeministri duhet te tregoje largpamësi dhe përgjegjësi kombëtare!
Mendoj se kushti kryesor i hapjes së negociatave të Shqipërisë nga Bashkimi Europian është heqja dore e gjetjes me çdo kusht të armikut të brendshëm që pengon reformën.
Nisja sa më urgjente e një proçesi konkret me një axhende specifike e të mirëpërcaktuar, e cila adreson të gjitha problemet që po mbajnë peng hapjen e negociatave: KANABIZIMI i shfrenuar i vendit, KORRUPSIONI, VETINGU dhe DEKRIMINALIZIMI, do ishte hapi më pozitiv.
Ështe e pakuptueshme se si kemi të bëjmë me një klasë kaq amatore politikanësh, e cila me vullnet apo pavullnet po punon kundër interesit kombëtar.
I bëj thirrje të gjitha palëve të ulemi dhe të japim propozime konkrete sesi mund të dalim nga ky batak, nëpërmjet një KONSENSUSI të madh, sepse asnje shqiptar nuk e ka për kusur të durojë më paaftësinë tone politike.
Dhe boll më me presione se na paskan prishur punë palët e treta që veprojnë në rajon që na dashkan destabiletin e vendit, sepse destabilizuesit më të mëdhenj të vendit ndodhen në parlament dhe Europa është më serioze se aq sa të marrë për bazë pretendimet apo kërcënimet e “Liderit Botëror”!
Integrimin po e pengon vetem klasa politike e vendit tonë!
Ndergjegjësim, reflektim, konsensus dhe përgjegjësi kombëtare, duhet të jetë axhenda ynë politike, në të kundërt qytetarët shqiptarë duhet ta ndëshkojnë këtë klase politike me votë dhe qëndrim!
