Në vitet ’90, ishte mbretëresha e pasarelave, por tashmë 46 vjeçe, Naomi Campbell vazhdon të jetë një modele sërish e parezistueshme dhe me forma trupore perfekte. E ashtuquajtura “Pantera e Zezë”, ka pozuar për numrin e radhës të revistës “GQ” në një kolazh fotosh me nuanca erotike, ku spikat zbulimi i këmbëve dhe një “topless” si kurrë më parë. Muza e stilistit Philipp Plein, ka shpërthyer në foto pikante dhe provokuese.
Revista shkruan që Campbell, edhe kur nuk kërkon vëmendje, e gjen atë. Nga ana tjetër, me një fizik si i saj, është e vështirë të kalojë pa u vënë re. Në vitin 2016, Naomi ka marrë çmimin “GQ Award” si “modelja e shekullit”.
Por bukuroshja nuk ndalet këtu, pasi ka një vullnet të fortë, mes publicitetit, bamirësisë dhe shfrytëzimit të një linje të të brendshmeve në pronësi të saj. Pa harruar pasarelat ku sfilon edhe sot ashtu si dje!!
