Deputeti socialist, Namik Kopliku ka folur për vjedhjen që është bërë në banesën e tij në rrugën “Myslim Shyri”.
Sipas tij grabitësit kanë përfituar nga momenti, pasi në shtëpi nuk ndodhej njeri. Personat ende të paidentifikuar kanë shqyer derën dhe kanë vjedhur disa bizhuteri me vlerë.
“E zbuluam në drekë, kur u kthyem në banesë dhe kuptuam se na kishin marrë bizhuteri, ora dore e pak para”- është shprehur ai për Report Tv.
Policia ende nuk ka asgjë gjurmë të autorëve, ndërkohë që po punohet për zbardhjen e ngjarjes.
