Votimet e sotme në Asamblenë Kombëtare të PS, kryetari Edi Rama i ka cilësuar si “Një tjetër ditë e shënuar demokracie në PS, zgjedhjet e Asamblesë së re Kombëtare për Sekretarin e Përgjithshëm, Kryesinë e re si edhe Sekretariatin Ekzekutiv të Partisë Socialiste”.
Ai u shpreh se ishte një “Moment mbresëlënës tërheqja e Namik Dokles nga gara për kryesinë, me fjalët, ’Jam prej njëzetepesë vjetësh anëtar i kryesisë së PS, është momenti që t’i hap rrugën një më të riu, të një gjenerate më të re!’. Duartrokitje shumë të ngrohta dhe emocion i veçantë në sallë”.
Vetë Namik Dokle nuk ka mbajtur një qëndrim publik lidhur me largimin e tij, por fjalët e vajzsës së tij, mjekes Anika Dokle në rrjetet sociale, lënë të nënkuptohet se largimi ka qenë në njëfarë mënyre i detyruar.
“Dinjiteti nuk negociohet. Ai është nderi i familjes”, – shkruante sot ajo.
