Ka qenë një natë tmerri ajo e së martës për ish lojtarin e Juventusit Klaudio Markisio i cili në orën 21:30 u grabit së bashku me bashkëshorten e tij nga një bandë prej pesë hajdutësh në vilën e Vinovo, në brendësi të Torinos.
Me fytyra të mbuluara, dy persona të armatosur me pistoletë, hynë nga një dritare dhe kërcënuan çiftin që ishte në shtëpi. Sipas Markisios, ai me gruan e tij ishin duke parë televizor në divan kur në një moment vunë re një armë që iu drejtua në kokë. Grabitësve iu dhanë të gjitha sendet me vlerë që kishin, ar, bizhuteri dhe madje disa veshje. Pastaj banda arriti t’ja mbathte, pa i shqetësuar njeri.
Rezidenca e shtëpive “Kalorësit” në të cilin jeton Markisio, ruhet nga një sistem i sofistikuar i kamerave dhe janë ato që karabinierët po investigojnë për të identifikuar dhe kapur kriminelët. /Opinion.al
