Nga Klodiana Lala
Mimoza Paja u qëllua pa mëshirë nga një dorë kriminale mbrëmjen e së dielës në zonën e Don Boskos në Tiranë. Një masakër e tmerrshme me 1 te vrare e gjashte 6 plagosur. Klithmat e mbesës 10-vjeçare teksa thërriste nenën, tronditën zonën.
E vogla mbeti e lënduar nga ciflat e xhamave qe u shpërndanë nga plumbat e armëve.
Ndërsa Mimoza, 60 vjeçe gjyshja e saj e dashur mbeti pa jete. Aty në derën e lokalit ku punonte si banakiere, lokal në pronësi të një emri te njohur te botes se krimit: Fation Murati!
Që do duhej të ishte në burg, jo në vilen e tij luksoze.
Moza siç e thërrisnin të gjithë kishte patur një jetë të veshtire. Të trishtë. Në moshën 5-vjeçare, ajo, dy motrat dhe vëllai mbetën jetimë. U rritën me shumë vështirësi.
Ajo sikurse dhe motra e vëllai krijuan jetën e tyre.
Moza solli ne jetë 3 vajza dhe 1 djalë.
Dukej sikur gjithçka në jetën e saj po shkonte me se miri.
Por jo.
Humbja e vëllait të vetëm do ta trondiste shume.
Dhimbje që nuk e kaloi kurrë.
“Ah sa vuajti” kujton mes lotësh një e afërme e saj. Vitet e fundit ajo nisi pune si banakiere. Ndërsa u zhvendos me qira vetëm 10 metra larg lokalit ku u qellua për vdekje.
“Si ua beri zemra ta qëllonin- vijon me tej e afërmja- për bukën e gojës punonte’.
Moza është viktima e radhës e pafajshme qe ekzekutohet nga vrasës gjakftohte të cilet nuk kursejnë askënd.
Nuk kursyen as Mozen, atë grua fisnike që rropatej për të rritur mbesën, e cila po rritej nën kujdesin e gjyshes pas divorcit të prindërve dhe martesës se nenës me një shqiptar te Kosovës.
Atë grua që mbylli sytë me një peng te madh, qe la pas një vajzë të vogël që me gjasë s’do mundet ta harrojë kurrë tragjedinë që i ndodhi në pak sekonda para syve. Që pa gjyshen pa jetë e të mbuluar nga gjaku.
Mimoza, na fal që s’të mbrojtëm dot.
“Hëngshit kokat’, tha dikur i pari i qeverisë. Nuk besoj ta kishte për ty. Sepse ti meritoje respekt vëmendje.
Mimozë na fal!
Fation Murati duhet te ishte ne burg. Sepse nëse shteti do e kishte kyçur ne qeli, mbase sot ti do ishe gjalle.
Ai u lirua.
Drejtësia i mbylli sytë, edhe pse dinte kush ishte ai, edhe kur e shpalli në kërkim për masakrën te mbikalimi i Fushe-Krujës ku viktima mbetën Brilant Martinaj, Dikler Vata e Besmir Hoxha.
Se shpjegoj dot si mundi të dalë.
Sepse ai u arrestua për një arsenal armesh. Por mesa duket për të fortët të tërë mbyllin një sy e një vesh.
Fation Murati ndodhej në vilen luksoze kur ti rropateshe duke lare gotat në banak e pranë teje rrinte mbesa jote.
Plumbat mbi trupin tënd janë plumba qe na kanë vrarë sot të gjithëve.
Na fal Mimoze qe s’të mbrojtëm dot!
Të gjithë jemi fajtorë.
