Elon Musk, i ka bërë thirrje publikut që të ndalojë së dhëni kontribute për ‘enciklopedinë’ e internetit Wikipedia, duke e akuzuar atë se e ka lënë veten të keqpërdoret si një platformë “e kontrolluar nga aktivistët e së majtës ekstreme”.- Advertisement –
Kjo nuk është hera e parë që themeluesi i Tesla dhe SpaceX ka sulmuar Wikipedia-n duke e akuzuar për drejtimin e narrativave të majta.
Musk, i cili është gjithashtu një mbështetës i fortë i kandidatit republikan për president dhe ish-presidentit amerikan, Donald Trump, në postimin në X tha: “Wikipedia kontrollohet nga aktivistët e së majtës ekstreme. Njerëzit duhet të ndalojnë së dhuruari për ta.”
Sipas të dhënave nga platforma e marketingut dixhital Semrush, në nëntor 2024 Wikipedia ishte faqja e katërt më e vizituar në botë, me trafik mujor prej rreth 6.7 miliardë vizitash.
Popullariteti i Wikipedia-s, i kombinuar me faktin që ofron informacione për figura dhe ngjarje të njohura politike, e bëjnë atë shumë me ndikim.
