Elon Musk deklaron se ka refuzuar kërkesën e Ukrainës për të aktivizuar rrjetin e tij satelitor Starlink në qytetin port të Krimesë, Sevastopol, vitin e kaluar, për të ndihmuar një sulm ndaj flotës ruse pasi kishte frikë nga bashkëpunimi në një komplot “të madh” lufte.
Biznesmeni miliarder e bëri komentin në platformën “X” vonë të enjten, duke thënë se nuk i mbeti zgjidhje tjetër veçse të refuzonte një kërkesë urgjente nga Ukraina “për të aktivizuar Starlink deri në Sevastopol”.
Kjo pasoi një raport të CNN duke cituar një fragment nga një biografi e fundit e Musk, i cili pretendonte se ai kishte urdhëruar që rrjeti Starlink të çaktivizohej pranë bregut të Krimesë në një përpjekje për të penguar një sulm të befasishëm ukrainas.
Ai nuk ka dhënë datën e kërkesës dhe në ekstrakt nuk është specifikuar.
“Qëllimi i dukshëm është që të fundosni pjesën më të madhe të flotës ruse”, shkroi Musk.
“Nëse do të kisha pranuar kërkesën e tyre, atëherë SpaceX do të ishte në mënyrë eksplicite bashkëpunëtor në një komplot të madh lufte dhe përshkallëzimi konflikti”, ka thënë ai.
