Kreu i grupit parlamentar democrat, Myslym Murrizi tha nga foltorja e Kuvendit se Kodi i Ri zgjedhor sipas marrëveshjes së 5 qershorit do të votohet sot me 97 vota në Kuvend.
Pas fjalës së kryeministrit Rama, Murrizi tha 74 deputetët e mazhorancës dhe 23 të opozitës në parlament do të votojnë sot marrëveshjen e 5 qershorit, por se ai personalisht ishte kundër saj.
“E vetmja deklaratë e sinqertë këtu ishte se keni shtypur butonin për Lulin. Shyqyr që 74 deputetë nga ju, 23 nga krahu tjetër i kanë dhënë 97 vota pro marrëveshjes së 5 qershorit. Kodi i hyn në punë shqiptarëve. 5 qershori i hyn në punë 3 kryetarëve. Kodi Zgjedhor dhe 5 qershori janë larg njëri-tjetrit. 5 qershori është noterizim i 21 prillit të vitit 2008. Duheshin adresuar rekomandimet e OSBE/ODIHR. Ta gëzoni, ia ndërroni edhe datën për mua, mirë do ishte ta quani marrëveshja e 1 qerrshorit sepse ngjani me ata që kanë festën në këtë datë. Halli i 5 qershorit tuaj nuk ka të bëjë me kodin dhe as me zgjedhjet. Arsyeja e vërtetë është Reforma në Drejtësi. 5 qershori është alibi që disa shenjtanë nga ju”, tha Murrizi.
Ndër të tjera deputeti Murrizi tha se shpreson që vota e 97 deputetëve për “5 qershorin” do të “ulë Shqipërinë këmbëkryq në BE”, duke iu referuar kështu kushtit të negociatave. /Opinion.al
