Sot të gjithë politikanët me përjashtim të Metës u janë bashkuar qytetarëve për festimet e Ditës së Verës. Rama ishte paradite tek Pazari i Ri bashkë me Veliajn dhe Tahirin, ndërsa Basha ndodhet në Elbasan. Ilir Meta nuk u pa në asnjë aktivitet të këtij lloji në Tiranë apo Elbasan. Zyra e shtypit thotë se Meta ndodhet në Helsinki ku është takuar me kreun e komisionit për Mbrojtjen, në Parlamentin e Finlandës, Ilka Kanerva. Siç shihet nga fotot Meta shoqërohet në kët vizitë nga Arta Dade.
“Në takim u bisedua mbi forcimin e bashkëpunimit dypalësh, veçanërisht në fushën e mbrojtjes dhe sigurisë në kuadër të zhvillimeve globale. Z. Meta tha se Shqipëria si vend anëtar i NATO-s mbështet partneritetin në rritje mes Finlandës dhe Aleancës së Traktatit të Atlantikut Verior.
Kreu i Kuvendit të Shqipëri i dorëzoi z. Kanerva edhe titullin “Për merita të veçanta civile” të akorduar nga presidenti i Republikës, Bujar Nishani. Z. Kanerva ka qënë ish-president i Asamblesë Parlamentare të OSBE-së”, bën të ditur zyra e shtypit pranë Kuvendit.
