Banorët e njësisë administrative të Shushicës kanë dalë sot në protestë për Kanalin vaditës Polis Tufan.
Mësohet se prej më shumë se dy javësh, banorët janë duke u përballur me thatësirën për shkak se kanali vaditës që i furnizon me ujë është i bllokuar.
Ata thonë se për shkak të punimeve që po kryesohen për ndërtimin e një HEC-i në firma kontraktuese do ta mbante të bllokuar kanalin deri më datë 15 Maj 2024, por kur kjo periudhë ka kaluar ata po përballen me thatësirë që po dëmton të mbjellat sezonale.
“Kam hedhur 1 milionë lekë tek toka. Nuk kemi marr asnjë lloj përkrahje nga shteti”, tha një banorë nga protesta.
Banorët thonë se nëse të mbjellat e tyre thahen ata rrezikojnë falimentim këtë vit pasi bujqësia është burimi kryesor i të ardhurave.
