Kreu i Partisë Demokratike ka reaguar në lidhje me një qëndrim të Departamentit të Shtetit Amerikan, në lidhje me mundësinë e udhëtimit të Sali Berishës në SHBA.
Në një dalje për media, Berisha tha se DASH ka dhënë përgjigjen më të fuqishme përpjekjeve që u bënë për një Shqipëri pa opozitë nga Edi Rama, Soros dhe Blinken.
Sipas tij, ky vendim është një shpërblim i madh për ata demokratë që në kushtet më të pazakonta qëndruan për kauzën e drejtë dhe të vërtetën e cila vonon por nuk harron.
“DASH jep përgjigjen më të fuqishme atyre përpjekjeve që u bënë për një Shqipëri pa opozitë nga Edi Rama në mendësinë e etërve të tij Soros dhe Blinken, ky vendim i një rëndësie të madhe shkëputjesh dhe mospranimi të vendimeve politizuese të administratës së mëparshme që për shkak të lobimit të Ramës dhe Soros të ndëshkojë opozitën konservatore përfunduan njësoj aty ku e kanë vendin.
Falënderoj Rubion, Trump për këto qëndrime të rëndësishme kundër vendimeve të ekstremit të majtë, të forcave antidemokratike të majta në Shqipëri dhe botë. Ky vendim është një shpërblim i madh për ata demokratë që në kushtet më të pazakonta qëndruan për kauzën e drejtë dhe të vërtetën e cila vonon por nuk harron.
Nuk besoj se do të udhëtoj këto ditë, se janë ditët e fundit të fushatës. Përsëri ky vendim nuk humbet vlerë, është i çmuar. Non grata është konsideruar vendim politik, është dënim kur shqyrtohet, por është shpallur vendim i politizuar i administratës Biden”, tha Berisha.
