Në këtë ditë me diell tetori në Prishtinë, gratë rreshtohen në një tezgë për të dhuruar reçipeta që më pas do të shndërrohen në çanta. Paratë e fituara nga shitja e çantave shkojnë për gratë që janë diagnostikuar me sëmundjen e kancerit të gjirit.
Nisma është pjesë e një projekti të nisur nga artistja Ermira Murati për të rritur ndërgjegjësimin për këtë sëmundje tek gratë.
“Ne jemi këtu për të mbështetur festivalin “Shliroj Cicat” (Çlironi gjinjtë) duke dhuruar sutjenat tona. Këto pastaj do të kthehen si një ndihmë për të ndihmuar gratë që kanë kancer gjiri.”
Çantat e bëra me recipetat në të gjitha madhësitë dhe ngjyrat shfaqen më pas në rrjetet sociale.
“Këto sytjena shndërrohen në çanta dhe më pas publikohen në platformat tona të mediave sociale. Paratë që marrim nga shitja e tyre i vendosim në një fond për të ndihmuar gratë që kanë kancer gjiri. Ajo që mund të blejmë janë gjëra thelbësore që u nevojiten, si p.sh. sutjena për të përshtatur proteza, medikamente.”
Nga studio e saj e cila ndodhet vetëm pak metra larg xhamisë kryesore në Prishtinë artistja Ermira Murati është e vetëdijshme se nga nisma e saj ka patur edhe kritika.
“Ajo që po bëj është shumë provokuese dhe është e pakëndshme për shumë njerëz, dhe kjo është diçka që e kuptoj ndërsa i bëj këto gjëra. Ajo që po bëj është normale, por pasojat e asaj që po bëj janë të mëdha. Unë kam marrë shumë kritika edhe për këtë festival, më pëlqen kur reagojnë dhe marr mesazhin se në këtë mënyrë i kemi arritur dhe për mua kjo është e mjaftueshme.”
Murati njihet në Kosovë për punën e saj që ngjall reagime të forta. Dy projektet e saj të mëparshme njëri që tregon dy burra me veshje kombëtare shqiptare duke u puthur me njëri-tjetrin dhe tjetri që tregonte kryeministrin Albin Kurti duke shkëmbyer puthje me liderin serb Aleksandër Vuçiç i kanë ngjallur reagime të mëdha.
Klan News
