Ish-deputetja e PD, Orjola Pampuri ka zhvilluar një bashkëbisedim me një çift pensionishtësh, të cilët kanë kaluar COVID-19.
Gjatë bashkëbisedimit Hazbie e Qazim Noka kanë rrëfyer se shpenzimet prej 5 mijë eurosh për trajtimin e mjekësor kundër COVID-19 i kanë përballuar duke marr borxhe.
Qazim Noka merr një pension prej 80 mijë lekë të vjetra, ndërsa bashkëshortja e tij merr 70 mijë lekë të vjetra., gjë e cila sipas tyre, nuk mjafton as për një jetesë normale. Çifti i pensionistëve shprehet se fderi më tani nuk janë ndihmuar nga shteti.
Biseda e plotë e ish-deputetes Orjola Pampuri me qytetarin Qazim Noka
Qazim Noka: Unë quhem Qazim Melaim Noka. Kam vuajtur një sëmundje prej tre muajsh. Krejt vizitat çfarë kanë qenë në fillim dhe mbarim, i kam bërë privatisht. Kemi marrë lekë borxh me gjithë palën. Njëri merr 70, tjetri 80 mijë lekë pension.
Oriola Pampuri: Ndërkohë sa ju kushtojnë ilaçet që keni marrë ju dhe për zonjën për COVID-in?
Qazim Noka: Me të thënë të drejtën ka shkuar te pesa e përpjetë.
Oriola Pampuri: Sa? Pesë?
Hazbie Noka: 5 milionë lekë.
Oriola Pampuri: Dhe ku i keni gjetur këto, ju thatë që i keni marrë borxh?
Qazim Noka: Për Zotin borxh.
Oriola Pampuri: Në të gjithë këtë shteti nuk ka qenë fare prezent që t’ju mbështesë si pensionist?
Qazim Noka: Absolutisht, as edhe një paracetamol më të vogël nuk e kemi marrë prej shtetit.
Oriola Pampuri: Ndërkohë që pensionet tuaja janë 70, 80…
Qazim Noka: 85 merr plaka, 80 marr unë. Dhe kjo ka qenë krejt historia. Me oksigjen, me të tëra gjërat domethënë, është bërë shtëpia spital…
Oriola Pampuri: Gjithçka e keni përballuar me lekët e juaja?
Qazim Noka: Gjithmonë, deri tek një lekëshi. Me i pa është një thes. Shiko si janë.
Oriola Pampuri: Një thes me analiza, që të gjitha kanë kushtuar një mal me lekë.
Qazim Noka: Vallahi kanë kushtuar një mal me lekë. Të dy kemi qenë keq. Unë njëherë ja di Zotit, shyqyr që na ka falur jetën. Ilaçet jo, jo. Ilaçet i kemi borxh.
Oriola Pampuri: Sot si keni larë akoma paratë që keni shpenzuar?
Hazbie Noka: Ku t’i marrim?!
Qazim Noka: Absolutisht, absolutisht!
Hazbie Noka: Nuk na dalin çaj me ble.
Qazim Noka: Me një pension 70, 80, 150 mijë lekë. Çfarë do bëjmë ne me 150 mijë lekë?
Oriola Pampuri: Nuk dilet për të ngrënë, jo më të përballosh ilaçet.
Qazim Noka: Moj për çaj nuk del e për kafe. Kjo ka qenë krejt historia. Ju f
Oriola Pampuri: Shyqyr që jeni mirë1!
Qazim Noka: Ju falënderoj shumë!
Oriola Pampuri: Ju uroj shëndet dhe shyqyr që e kaluat këtë.
Qazim Noka: Faleminderit shumë!/ Opinion.al
