Jose Mourinho nuk është në qendër të vëmendjes vetëm si “Special One” trajneri që fiton kudo, por këtë herë ka treguar se edhe një baba i rreptë.
Duket se vajza e tij 19-vjeçare Matilde e ka shqetësuar pa masë trajnerin e ardhshëm të Manchester United, për shkak të një lidhje që ka me një djalosh, që sipas Mourinho nuk është shumë i përshtatshëm për të. Ndërkohë që, mediat britanike kanë publikuar fotot e para të kësaj lidhje, një “love story”.
Bëhet fjalë për Danny Graham, që edhe pse vjen nga një familje fisnike britanike, nuk është shumë i rekomandueshëm, pasi njihet si një “playboy”, gjithnjë në kërkim të vajzave për argëtim.
Kjo ka shqetësuar trajnerin portugez edhe pse Jose e ka takuar disa herë atë që mund të jetë dhëndëri i ardhshëm i vajzës së tij.
Për më tepër që Danny, bashkë me Matilde, kanë qenë javën e kaluar në Lisbona, për të takuar gjyshërit e vajzës. Por sipas mediave britanike, djaloshi nuk ia mbush syrin
trajnerit Mourinho, që ka të tjera kritere për vajzën e tij të madhe.
Matilde është një nga beqaret më të kërkuara në Londër, ndaj dhe Jose mendon se i dashuri është shumë dinak dhe thjesht kërkon ta çojë në shtrat, duke mos patur një lidhje serioze.
“Vij nga një familje me klas, mendoj se jam “playboy” i fundit në qarkullim në Britaninë e Madhe. Ndaj vajzat që duhet të qëndrojnë me mua duhet të kenë po aq klas sa unë.
Unë nuk dua të humbas kohë me vajza të zakonshme”, ka qenë deklarata e djaloshit Graham, që ka shqetësuar Mourinho, që për t’u qetësuar e ka takuar disa herë të fejuarin e vajzës së tij.
