Zlatan Ibrahimovic ka marrë katër ditë pushim nga Jose Mourinho pasi ka luajtur në çdo minutë të katër ndeshjeve të para zyrtare të United në këtë sezon, një në Superkupën e Anglisë dhe tre në kampionat, të gjitha të fituara nga “djajtë”, edhe në saj të katër golave të shënuar nga sulmuesi 34-vjeçar. Suedezi do të marrë dy ditë më shumë pushimi se të tjerët. “Nuk mund të luash 70 ndeshje kur je 34 vjeç. Djemve që nuk do të shkojnë me kombëtaren i dhashë dy ditë pushim, ndërsa Zlatan do të pushojë katër ditë, – tha Jose Mourinho. – Kur je 34 vjeç ke nevojë për pushim. Në këtë rast dhe pasi ka luajtur çdo minutë të çdo ndeshje mendova se “djali i madh: ka nevojë për katër ditë pushim pasi ka luajtur 360 minuta në 22 ditë.”
Pavarësisht se Mourinho po e monitoron me kujdes moshën e Ibrahimovic, suedezi nuk ka dhënë përshtypjen e një veterani në fushën e lojës. Ish-sulmuesi i Paris Saint-Germain ka lënë gjurmë në Premier League që kur erdhi nga Franca dhe me formën e tij ka lënë në stol talentin Marcus Rashford. Megjithatë, 18-vjeçari ishte ai që shënoi golin e fitores në ndeshjen e fundit ndaj Hull, pas pasimit të marrë nga Rooney në kohën shtesë. E vetmja nga katër ndeshjet e para të sezonit ku Ibrahimovic nuk shënoi. Rashford po e shijon faktin që po mëson nga Ibrahimovic. “Eshtë mbresëlënëse të pushosh çdo ditë me futbollistë i Zlatan. Prej tij dhe shumë të tjerëve te United mësoj si duhet sillem brenda dhe jashtë fushës së lojës për të arritur sa më lart.” – tha Rashford.
