Ish-trajneri i Interit, Jose Mourinho ka deklaruar se nuk dëshiron më të rikthehet në ‘Serie A’ në Itali.
Në një intervistë të fundit portugezi është shprehur se në Itali ka shumë trajnerë të zotë.
“Nuk është e mundur, jo sepse nuk ndiej pasion për këtë vend, por sepse ka shumë trajnerë të aftë. Ka trajnerë me shumë eksperiencë që janë në fund të karrierës, por edhe të tjerë të rinj shumë të aftë. Italia ka shumë trajnerë cilësorë, ndaj mendoj se skuadrat italiane nuk do t’u besojnë të huajve” shprehet portugezi.
Aktualisht Mourinho është trajner tek skuadra e Manchester United në Angli.
