Jose Mourino do të rikthehet të dielën në Stamford Bridge për herë të parë që kur u shkarkua në dhjetorin e vitit të kaluar ndërsa insiston se nuk ka “ndjenja të këqija” për Chelsean.
“Në futbollin modern mund t’i ndodhë çdo trajneri që të shkarkohet. Kjo situatë do të ishte e vështira për mua nëse nuk do të kisha dhënë gjithçka për klubin,” ka thënë ai, duke shtuar se gjatë kohës sa ka qenë trajner i Chelseat u ka dhënë tifozëve momente të veçanta.
“Kështu edhe mund të largohesh me ndjenjën se e ke kryer punën,” shton ai, njofton Sky Sports.
Manchester United dhe Chelsea luftojnë për titull këtë stinor, dhe megjithë rivalitetin, portugezi nuk beson se do të pritet në një atmosferë negative.
“Por, edhe nuk ka shumë rëndësi reagimi i tyre. Unë do të jem gjithherë mirënjohës. Ne kemi kaluar në momente të rëndësishme për klubin, momente historike,” thotë ai.
Ai po ashtu ka shtuar se Chelsea nuk mundet të shlyejnë atë nga historia e klubit.
“Unë nuk e besoj se ata dëshirojnë të bëjnë një gjë të tillë, por edhe nëse duan, atëherë kjo nuk mundet të ndodhë,” ka thënë portugezi.
“Ka qenë pronari i klubit që më ka shkarkuar, e jo tifozët. Ata kanë treguar për cdo ditë se më dëshirojnë, por në këtë klub tifozët nuk kanë fuqi.”
Mourinho ka folur edhe për marrëdhënien e tij me pronarin Roman Abramobic. Thotë se me të asnjëherë nuk kanë qenë shokë porse kanë pasur një marrëdhënie strikt profesionale. Mou thotë se megjithatë, ka respekt të veçantë për rusin.
I pyetur nëse do të dëshironte të kthehej tek Chelsea për herën e tretë, ai ka thënë se tashmë e mendon të ardhmen tek Manchester United.
