Problemet familjare për dukeshën Meghan Markle vazhdojnë. Motra e saj nga babai e ka akuzuar sërish dukeshën si pa zemër. Gjatë dokumentarit “Meghan and The Markles: “A Family at War”, motra e saj nga babai Samantha u shpreh se Meghani ishte një person pa zemër.
“Ajo nuk ka zemër, nëse do të kishte do të sigurohej që babai i saj të ndihej mirë, do ishte e dashur me të dhe mirënjohëse. Do ta ndihmonte të ishte në gjendje të mirë në këtë moshë”,-u shpreh motra e saj.
Gjithashtu Samantha u shpreh rreth letrës që Meghan i ka dërguar babait të saj, duke thënë se ajo e quante atë dhe të motrën gënjeshtarë. Problemet me familjen e saj Meghan i ka patur që në çastin kur u martua me Princ Harryn. Aktualisht ajo është në pritje të fëmijës së saj të parë, i cili sipas mediave të huaja është djalë./Opinion.al/
