Motra e Dafina Zeqirit, Besa Tafari ka vendosur të flas për marrëdhënien me babain e tyre, duke i dhënë në këtë mënyrë fund të gjitha keqkuptimeve.
Në një prononcim në anglisht, ajo ka treguar se është motra e Dafina Zeqirit nga e njëjta nënë, Melihate Zeqiri dhe jo nga një martesë tjetër e babait të saj.
Besa nuk e ka kursyer aspak mllefin ndaj meshkujve dhe veçanërisht ndaj babait të saj.“Nuk ka meshkuj të vërtetë në botë, ka pak, por unë nuk kam pasur fatin ta kem për baba.
Siç ju kam thënë edhe më herët, ai kurrë nuk qenë në një fotografi me ne, sepse ai ka qenë i preokupuar që të lërë shumë femra shtatzënë dhe t’i lërë fëmijët jetimë”, ka rrëfyer motra e vogël e Dafinës.
Sipas saj, ai nuk i ka kontaktuar kurrë, derisa ato u bënë të famshme, shkruan Gazeta Shqiptare.“Kjo është hipokrizi, që të bëhesh i gjallë pas 21 vitesh, pa kërkuar falje dhe vetëm me pritshmëri.
Kështu që ai nuk ekziston në jetën time, në mendjen time. Pse? Sepse unë nuk e ushqej shpirtin me gjëra të këqija”, sqaron modelja Besa Tafari.
Motra e Dafinës ka sqaruar se edhe mbiemrin e saj, i cili vjen nga martesa me një xhamajkan.
