Motra e Dafina Zeqirit, Besa Tafari, ka dashur të sqarojë njëherë e përgjithmonë keqkuptimet në lidhje me familjen e saj dhe marrëdhëniet me babain e tyre.
Në një reagim në gjuhën angleze, ajo ka bërë të ditur se është motra e Dafinës nga nëna Melihate Zeqiri dhe jo nga një martesë tjetër e babait të saj. Në lidhje me këtë të fundit Besa nuk e ka kursyer mllefin, teksa ka thënë se, “nuk ka meshkuj të vërtetë më në botë, ka pak, por unë nuk kam pasur rastin ta kem për baba. Siç ju kam thënë më herët, ai kurrë nuk ka qenë në një fotografi me ne, sepse ai ka qenë shumë i preokupuar që të lërë shumë femra shtatzënë dhe t’i lërë fëmijët jetimë”.
Sipas motrës më të vogël të Dafinës, babai i tyre nuk i ka kontaktuar kurrë përpara se Dafina të bëhej e famshme dhe ajo një modele e njohur.
“Kjo është hipokrizi, që të bëhesh i gjallë pas 21 vitesh, pa kërkuar falje dhe vetëm me pritshmëri. Kështu që ai nuk ekziston në jetën time, mendjen time. Pse? Sepse nuk e ushqej shpirtin tim me gjëra të këqija”, ka thënë Besa.
Ajo ka sqaruar në vazhdim se mbiemri i saj i ri vjen nga martesa me një xhamajkan./bluetooth
