Ornela Cana, motra e Alda Canës, e vrarë nga Marjan Rroku, ish-agjent i SHIK-ut tregon në emisionin “Dritare” se si ai e torturonte motrën e saj.
Canaj tregon se pasi ai e kishte dhunuar të motrën dhe kishin bërë denoncim, persona të tjerë erdhën dhe i kërkun ta tërhiqnin teksa thekson se Rroku përdorte emrin e Fatos Klosit si mbrojtës i tij.
“Gjithmonë thoshte se, “mua më mbron Fatos Klosi”. Por mbas gjithë denoncimeve dhe përpjekjeve nuk u mbajt përgjegjësi pas këtyre veprimeve. Motra ime u torturua”, thotë Canaj.
“Jetonim në konvikt. E gjeta motrën të shtrirë në krevat, të nxirë, të ënjtur. Alda ishte një fëmijë lozonjar. Një i dehur më tërhoqi, ishte me motor dhe më shtyu, më tha. Shkuam në polici dhe raportuam, por kur u kthyem nga policia, motra më tha: Ai që ma bëri këtë mua, nuk është i panjohur. Është Marjani, punon për SHIKun, ka pistoletë dhe më tha, që po ju the njerëzve të familjes, do t’i vras të gjithë ata. E denoncuam me emër Marjanin, si punonjës i SHIKut. Ai vazhdoi mbas këtij denoncimi, u bë dhe më keq. Erdhën na kërkuan të tërhiqnim denoncimin. Nuk patëm përgjigje për letrën, por emri i Fatos Klosit dëgjohej nga Marjani dhe Sulejmani”.
