Sipas MeteoAlb, tabloja sinoptike e motit sot në Shqipëri do të dominohet në të gjithë territorin nga kthjellimet deri pas mesditës kur vranësira të përkohshme do të shfaqen në verilindje.
Pjesa e dytë e ditës do të vijojë me kthjellime dhe vranësira kalimtare në zonat verilindore ndërsa pjesa më e madhe e vendit mbetet në kushtet e motit të kthjellët. Sërisht në mbrëmje, vranësira kalimtare do të shfaqen në pjesën më të madhe të vendit.
Temperaturat e ajrit sjellin një rritje të lehtë gjatë mëngjesit si edhe një rritje me 2°C, në vlerat maksimale të mesditës.
Era do vijojë mesatare, me shpejtësi prej 38 km/h nga drejtimi veriperëndimor dhe verior duke gjeneruar në brigjet detare dallgëzim 3 ballë.
Në Europë moti do të dominohet në pjesën më të madhe nga moti i kthjellët. Më dominante kthjellimet paraqiten në zonat jugore të kontinentit.
Por vranësira dhe shira të dendur do të ketë shtrirja Qendrore Poloni, Çeki dhe Sllovaki ndërsa shira më të pakët, në zonën e Alpeve të Europës.
Përsa i përket motit gjatë ditës së nesërme, po sipas MeteoAlb, gjatë pjesë së parë të ditës, do të ketë kthjellime dhe vranësira të shpeshta që do të dominojnë kushtet e motit në pjesën më të madhe të vendit.
Pasditja do të vijojë me kthjellime dhe vranësira kalimtare në zonat jugore por vranësira më të dukshme do të ketë në Qendër dhe kryesisht në veri të vendit. Edhe në mbrëmje, territori mbetet në kushtete e kthjellimeve me vranëisra të herë pas hershme.
Temperaturat e ajrit do të pësojnë një rritje të lehtë në të dy vlerat ekstremale ditore duke bërë që maksimumi në rang territori të ngjitet në 26°C.
Era do të fryjë e lehtë deri mesatare me shpejtësi 30 km/h nga drejtimi perëndimor dhe jugperëndimor duke gjeneruar në det dallgëzim 2
Përsa i përket motit në Evropë, Europa Qendrore, zona e Alpeve Europiane duke përfshirë edhe Ballkanin Verior do të përfshihen nga vranësira dhe stuhi të shkurtra ere dhe shiu. Po ashtu, me stuhi të përkohshme dhe rrebeshe shiu paraqiten ekstremi Verior i Italisë dhe ishulli i Sicilisë.
Sërish pjesa më e madhe e kontinentit Europian mbetet nën ndikimin e kthjellimeve, kryesisht në Perëndim dhe Veri të Europës.
