Moti për sot 27 tetor 2016/ Rikthehen shirat

Ditën e sotme deri në mesditë pjesa më e madhe e vendit do të dominohet nga alternime kthjellimesh dhe  vranësirash duke rrezikuar edhe  shira të përkohëshëm, më të mundshme në zonat jugore dhe juglindore, ku herë pas here do të ketë rrebeshe.
Parashikohet që kushtet e paqëndrueshme atmosferike të mbeten prezent edhe gjatë pasdites duke bërë që vranësirat dhe shirat të jenë dominuese në pjesën më të madhe të territort. Në majat e maleve do të shfaqen edhe flokë dëbore.
Temperaturat e ajrit do të pësojnë rënie të ndjeshme në të dy vlerat ekstremale të ditës.
Era do të  fryjë mesatare në tokë dhe deri e fortë në det me shpejtësi 45 km/h nga drejtimi veriperënimor, për pasojë në brigjet detare do të ketë dalllgëzim 4 ballë.