Italia është përfshirë nga moti i keq, duke shkaktuar vdekjen e një personi, përmbytje dhe dëme në disa rrugë të vendit.
Toskana dhe Marke, si dhe ishulli i Sardenjës janë rajonet më të prekura nga mot i keq, ku dhe përmbytjet janë më të mëdha.
Po ashtu, nga moti i keq, një tjetër person është shpallur i zhdukur.
Mediat italiane, bëhet fjalë për një valë moti të keq që nga Europa veri-perëndimore po zhvendoset drejt Mesdheut, shoqëruar me një përkeqësim të kushteve atmosferike.
Temperaturat në veri dhe në qendër të vendit fqinj kanë ardhur në rënie, ndërsa më të qëndrueshme kanë qenë në jug, me përjashtim të rajonit të Kampanias.
Ndërkohë, reshjet e dëborës kanë mbuluar zonat malore në Veneto.
Një automjet me 5 persona në bord ka përfunduar në një lumë në veri të vendit. Për fat të mirë 4 prej tyre kanë shpëtuar, ndërsa i pesti konsiderohet i humbur. Ekipet e shpëtimit po zhvillojnë kërkime për gjetjen e tij. Ndërkohë, rajonet e thella veriore, Alto Adixhe dhe Dolomiti janë prekur nga reshjet e dëborës, që kanë variuar nga 20 deri në 30 centimetra./ Opinion.al E.Xh.
