Në disa zona të vendit ka pasur ndërprerje të energjisë elektrike si pasojë e motit të keq.
OSHEE bën me dije se është duke monitoruar situatën dhe në gatishmëri janë vendosur rreth 2200 punonjës, në nënstacione, fidra dhe nivel kabinash.
Mësohet se rajonet më të prekura nga defektet janë Elbasani, Gjirokastra dhe Vlora.
“Për shkak të kushteve të rënduara atmosferike, hasim në vështirësi për riparimin e defekteve, sidomos në zonat rurale ku kryesisht linjat janë ajrorë dhe terren i lagësht. Theksojmë se për shkak të motit të keq me erëra dhe reshje të dendura që ka përfshirë vendin, afro gjysma e linjave që nuk punojnë janë stakuar nga vet OSHEE si masë sigurie për të evituar rreziqet në rrjetin shpërndarës të energjisë elektrike”,-citohet nga njoftimi i OSHEE-së.
