Moti i keq në vend/ Anëtarja e Kryesisë së PD publikon pamjet nga Durrësi: I kujtoj qytetarëve të mos harrojnë të marrin çizmet e llastikut me vete

Territori shqiptar është përfshirë ditët e fundit nga reshjet e shiut dhe moti i paqëndrueshëm.

Anëtarja e Kryesisë së PD, Jola Hysaj ka publikuar ditën e sotme pamje nga qyteti i Durrësit, që siç shihet për shkak të reshjeve të shiut disa rrugë janë përmbytur.

Përmes një postimi në rrjetet sociale, Hysaj me ironi thotë se qytetarët e Durrësit duhet të marrin çizmet prej llastiku me vete, për të mundësuar kalimin në rrugët e dimrit .

Postimi i plotë

Mirëmëngjesi,

DURRËSI LIVE

I kujtoj të gjithë qytetarëve të Durrësit të mos harrojnë  të  marrin çizmet e llastikut me vete .

Sepse “gondolat” dhe “gomerdaret” që si gjithmonë I duhen  për të mundësuar kalimin në rrugët e dimrit , na janë  bërë të zakonshme tashmë .

Pasi mbarojë së “xixëlluari” qytetin, kukulla do “xixëlloj” dhe qarkun tani.