Mbrëmjen e sotme Shkodra është përfshirë nga reshje intensive të shiut. Për më shumë se 2 orë nga ora 18-20, reshjet me intensitet të lartë kanë krijuar probleme në disa akse rrugore të qytetit të Shkodrës.
Pas reshjeve, punonjës të ujësjellës kanalizime së bashku me shërbimet publike të bashkisë Shkodër kanë dalë në terren, ku pas zhbllokimit të pusetave dhe lirimit të kanalizimeve, është bërë i mundur normalizimi i situatës.
Në lidhje me këtë situatë ka reaguar në rrejetet sociale edhe kryetari bashkisë Shkodër Benet Beci i cili ka garantuar se bashkia është në punë dhe grupet e punës janë në gadishmëri për menaxhimin e plotë të situatës.
