Moti i keq ka çuar në mbylljen e pjesës më të madhe të shkollave publike në vend. Vendimi është marrë nga drejtoritë arsimore. Konkretisht, në Gjirokastër, Librazhd, Pukë, Tepelenë, Përmet, Kukës, Tropojë, Has, Dibër, Mat, Bulqizë, Korçë, Pogradec, Devoll, Mirditë dhe Malësi e Madhe, është pezulluar procesi mësimor për të gjithë nxënësit.
Në disa zona të tjera, mësimi është ndërprerë në mënyrë të pjesshme, si në Shkodër në 28 shkolla të mbyllura, Gramsh në 4 shkolla, Vlorë në 2 shkolla, Lezhë në 3 shkolla, Kolonjë në 4 shkolla dhe Delvinë në 1 shkollë e mbyllur.
Ndërsa në Elbasan, Peqin, Tiranë Qytet, Tiranë Qark, Kavajë, Durrës, Fier, Lushnjë, Krujë, Kuçovë, Berat, Skrapar, Laç, Sarandë, Mallakastër etj, mësimi zhvillohet me orë të reduktuara.
Informacioni për shkollat e mbyllura është zyrtar dhe i referohet njoftimit të Ministrisë së Arsimit.
