Ministria e Infrastrukturës Belinda Balluku nëpërmjet një postimi në faqen zyrtare të “Facebook” ka bërë bilancin pas reshjeve të dendura të dëborës në vend.
Sipas ministres, raportohet se të gjithë akset janë të hapur për qarkullimin e automjeteve, por apelon për përdorimin e gomave të dimrit në makinë. Me zinxhirë kalohet vetëm në aksin Ura e Çerencit-Klenjë.
Ndërkohë për sa u përket temperaturave, Ministria e Infrastrukturës raporton se zona me e ftohtë do të jetë në Shishtavec ku temperatura përllogaritet të jetë deri në -16 gradë celcius. Temperatura të tjera të ulëta do të shënohen në Ersekë dhe në Dardhë përkatësisht -12 gradë celcius.
Në Kukës është çarë linja kryesore për shkak të ngricave. Në rrethet e tjera furnizimi me ujë është normal. Në stacionet e Pompimit nuk ka probleme përfshi edhe furnizimin me energji elektrike.
