Kjo javë pritet të ketë një mot me kthjellime dhe vranësira, ndërsa e marta do të sjellë reshje të pakëta shiu në të gjithë territorin.
Në një lidhje direkte për “Klan News” sinoptikani Hakil Osmani nga “MeteoAlb” ka thënë se duke filluar nga sot, pritet të kemi një shtim të vranësirave që do të jenë më të dukshme në orët e mbrëmjes duke krijuar dhe mundësira për reshje të pakëta shiu.
“Duke filluar nga sot, pritet të kemi një shtim të vranësirave që do të jenë më të dukshme në orët e mbrëmjes duke krijuar dhe mundësira për reshje të pakëta shiu kryesisht në zonat veri-perëndimore si fillim dhe më pas, orët e natës dhe mëngjesi i ditës së martë do të sjellë reshje në pothuajse të gjithë territorin shqiptar, pritet të jenë reshje të pakta, jo problematike. Vetëm herë pas here, në zonat veriore dhe në skajin jugor pritet të kemi rrebeshe afatshkurtra shiu”-tha Osmani.
Nga e mërkura, pritet që të kemi një përmirësim të dukshëm të kushteve të motit.
“Duke filluar nga e mërkura dhe në vijim, pritet të kemi një përmirësim të dukshëm të kushteve të motit duke bërë që këto vranësira të shpeshta dhe këto reshje të izoluara të jenë të fokusuar kryesisht në zonat malore, kurse pjesa tjetër e vendit do të jetë në ndikimin e kthjellimeve dhe vranësirave”-tha Osmani.
Fundjava parashikohet të ketë mot të mirë.
“Duke filluar nga dita e premte dhe në ditët e shtunë dhe e dielë, pritet të kemi një përmirësim të dukshëm të kushteve të motit” -tha Osmani.
