Një masë ajri e ftohtë me origjinë veriore do të përfshijë Shqipërinë duke bërë që; moti i kthjellët, por relativisht i ftohtë të jetë dominant. Kjo situatë meteorologjike do të jetë prezente deri pas, mesdite kur shfaqen vranësira të cilat më të dukshme paraqiten ne zonat malore, por nuk priten reshje. Do të ri-kthehen problemet e ngricave në akset rrugore përgjatë shtrirjes lindore.
Sipas MeteoAlb, temperaturat e ajrit do të pësojnë sërish rënie të tyre duke luhatur vlerat ditore nga – 6°C deri në 12 °C vlera më e lartë në rang territori ku do të shënohet në qytetin e Sarandës.
Era do të fryjë mesatarisht me shpejtësi 40 km/h nga drejtimi permanent verilindor duke sjellë në brigjet detare dallgëzim 2-3 ballë.
