Moti i keq i ka marrë jetën e të paktën tre personave në Evropën Lindore dhe atë Qendrore.
Stuhitë me borë dhe erërat e forta kanë bllokuar fshatra dhe rrugë nëpër Ballkan.
Në jug të Serbisë, policia ka thënë se ka gjetur një burrë të vdekur, teksa u ka ardhur në ndihmë rreth 20 personave për të dalin nga makinat e bllokuara.
Fshatrat në lindje të Bosnjës kanë mbetur pa energji elektrike, derisa zona e Sokolacit ka mbetur pa ujë të pijshëm.
Si pasojë e erërave të forta, një fëmijë ka vdekur në Sllovaki pasi është goditur nga një tabelë trafiku, derisa në Republikën Çeke, një pemë ka rënë mbi një makinë duke lënë të vdekur një person.
Në Rumani, erërat dhe bora e madhe kanë bllokuar trafikun si pasojë janë anuluar 30 udhëtime me tren.
Mot i ngjashëm është regjistruar edhe në Bullgari, pasi në aeroportin kryesor të tij janë anuluar disa fluturime. /Opinion.al
