740 qytetarë janë ndëshkuar vetëm 24 orët e fundit për mos vendosje të rripit të sigurimit.
Policia Rrugore vijon në të gjithë vendin punën për zbatimin me rigorozitet të nenit 170 të Kodit Rrugor, ku po aplikohen masat e reja administrative që parashikon ky nen i Kodit Rrugor, por jo vetëm për këtë nen, por për të gjitha shkeljet.
Kështu policia njofton se gjatë ditës së premte janë vendosur gjithsej për shkelje të ndryshme 2.102 masa administrative.
Janë arrestuar 2 drejtues mjeti në gjendje të dehur.
Janë pezulluar 108 leje drejtimi, nga këto 17 për alkool, 80 për shpejtësi dhe 11 për semafor, e shkelje të ndryshme.
Janë vendosur 53 masa për mosvendosje të kaskës mbrojtëse.
44 masa për përdorim të celularit gjatë drejtimit të automjetit, si dhe 266 masa administrative për shpejtësi.
Ndërsa pjesa tjetër për shkelje të ndryshme të Kodit Rrugor.
Policia thotë se, edhe në ditët në vijim do vijojë zbatimin e rreptë të Kodit Rrugor, jo vetëm për nenin 170, por për të gjitha shkeljet, me qëllimin e vetëm të rritjes së parametrave të sigurisë rrugore. /tvklan.al
