Kreu i Grupit Parlamentar të PD-së, Gazmend Bardhi, në një konferencë për mediat të mbajtur nga kryesia e Kuvendit është pyetur nga gazetarët edhe për faktin se mori pjesë për herë të parë në protestën e Berishës, pasi u kthye nga SHBA.
Bardhi tha se ka marrë pjesë dhe do të marrë pjesë në çdo protestë qytetare.
Sa i takon vizitës në SHBA, Bardhi theksoi se nuk dëshirën që ta ngatërrojë vizitën atje me situatën në Shqipëri.
Bardhi:Unë do ti bashkohem, i jam bashkuar çdo protete qytetare.Sa i takon vizitës time në SHBA, e kam bërë të qartë. SHBA janë aleati kyç i Shqipërisë, ka qenë krah nesh në momentet tona më të vështira. SHBA është një aleat kyc edhe për PD. Falenderoj Escobar për mikëpritjen. Kam pasur takime në Kongres dhe Senat. Nuk dua ta ngatërroj vizitën në SHBA me situatën tani. Ata mbështesin Shqipërinë dhe rrugëtimin evropian të saj, dhe jo një parti politike.
I pyetur për bashkimin me Berishën, Bardhi tha ata janë bashkuar rreth ideve dhe jo rreth individëve.
Bardhi: Ne bashkohemi rreth ideve, që është beteja kundër Edi Ramës dhe nuk bashkohem rreth individëve.
Keqpodorimi që Rama i ka bërë konfliktit të brendshëm në PD dhe opozitë, nuk ka sjellë pasoja vetëm për partinë, por edhe për Shqipërinë.
