Është vetëdorëzuar në Policinë e Tiranës Odhise Andrea, bashkëshorti i gjyqtares Majlinda Andrea. Odhise Andrea, ishpunonjës i Kuvendit të Shqipërisë është vetëdorezuar mbrëmjen e sotme në Polici. Lajmin e ka konfirmuar avokati Ardian Visha. Çifti Andrea u vunë në një skandal korrupsioni me disa prona në Ksamil.
Sëbashku me bashkëshorten e tij, e pezulluar nga detyra si gjyqtare pranë Gjykatës së Lartë, ata akuzohen nga prokuroria për korrupsion.
Ndaj Odhise Adreas ishte vendosur masa “arrest me burg” në mungesë.
Majlinda Andrea akuzohet nga prokuroria se kanë marrë rryshfet për njohjen 40 hektarëve tokë në Butrinit. Ata kishin marrë ryshfet rreth 50 mijë euro për të dhënë vendim pro një pale. Odhise Andrea ishte edhe sekseri në këtë skemë.
Prokuroria e Përgjithshme bëri me dije se në këtë skemë ishin përfshirë edhe bashkëshorti i saj Odhise Andrea, me detyrë Këshilltar në Komisionin e Sigurisë në Parlament dhe tre persona të tjerë./opinion.al
