Tre persona janë arrestuar nga policia në Gjirokastër pasi i hoqën lirinë një 19-vjeçari, në automjet dhe ushtruan dhunë ndaj tij.
Menjëherë pas kallëzimit të një 19-vjeçari, se 3 persona e kishin marrë me forcë në një automjet dhe kishin ushtruar dhunë ndaj tij, për shkak të një konflikti për motive të dobëta, ndërmjet tyre, efektivët e Policisë Gjirokastër kanë organizuar punën për kapjen e tyre.
Pas hekurave ranë shtetasit; Kristo Xhelili, Mustafa Muhametaj dhe një 15-vjeçar, për veprat penale penale “Heqja e paligjshme e lirisë”, “Vetëgjyqësia” dhe “Dëmtime të tjera me dashje”.
Si rezultat, u kapën dhe u vunë në pranga shtetasit M. M., 41 vjeç, banues në Gjirokastër dhe K. Xh., 25 vjeç, banues në Vlorë, si dhe një shtetas 15 vjeç (djali i shtetasit M. M.), për veprat penale “Heqja e paligjshme e lirisë”, “Vetëgjyqësia” dhe “Dëmtime të tjera me dashje”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
