Agjencia ndërkombëtare e vlerësimit të kreditit Moody’s ka rritur vlerësimin e Shqipërisë në “Ba3- e qëndrueshme” nga “B1 – pozitive”, duke theksuar përmirësim e profilit të kreditit të vendit si rezultat i forcimit të vazhdueshëm të kapaciteteve ekonomike dhe fiskale.
Lajmi është bërë i ditur nga ministri i Financave Petrit Malaj, i cili ka folur sa i takon rritjes ekonomike të vendit tonë në 10 vitet e fundit.
Sipas Malajt edhe institucione të tjera ndërkombëtare e kanë vlerësuar pozitivisht Shqipërinë për uljen e borxhit.
“Agjencia prestigjioze Ndërkombëtare e Vlerësimit Moody’s, rishikoi me rritje ekonominë shqiptare, duke e konsideruar në Ba3- e qëndrueshme, nga B1-pozitive.
Ky vlerësim i Moody’s, për Shqipërinë, reflekton të gjitha përpjekjet për të siguruar një rritjeje të qëndrueshme të ekonomisë, forcimin e mëtjeshëm të financave publike, si dhe një efikasitet më të lartë në zbatim të reformave drejt integrimit europian”, shpreht Malaj.
