Kryeministri Edi Rama ka thënë se do të bëjnë një transformim epokal me Policinë e Shteti, pasi do survejojnë me kamera qytetet dhe do të evidentojnë shkeljet rrugore.
Gjatë fjalës së tij, ai tha se ky projekt ka një sistem të bazuar tek fjala e fundit e teknologjisë digjitale dhe do të nisi me 20 qytetet e para.
“Qeveria do ta ndihmojmë Policinë e Shtetit me një instrument të ri, do të kemi një transformim epokal sa i përket survejimit me kamera të qyteteve dhe me fokus qarkullimin rrugor, shkeljet dhe shkelësit. Një sistem i bazuar tek fjala e fundit e teknologjisë digjitale, i pasuruar edhe e Ai që do i japë mundësinë policisë së shtetit që në kohë reale, përmes sallave të monitorimit të të gjithë qyteteve që do ta kenë këtë sistem fillimisht, do të fillohet me 20 qytete mos gabohem.
Së shpejti fillon edhe investimi që i njëjti sistem të hyjë në rrugët kombëtare, do të fillohet me 200 km e para, dhe ai sistem do të japë mundësinë që ankesat e çdo qytetari të jenë të verifikueshme në kohë reale. Edhe kur qytetari ankohet me të drejtë, ka raste që bën telefonatë për të nxjerrë një inat me një komshi, por këto janë pjesë e jetës.
Dhe sistemi verifikon jo thjesht me fotografi të përgjithshme, por me personin emrin mbiemrin dhe të gjithë kartelën e tij në aspektin e precedentëve penale.
Është projekt i jashtëzakonshëm që më në fund e kemi garantuar edhe si financim në bashkëpunim me partnerët e Emirateve do të fillojmë ta implimentojmë”, tha Rama.
Po ashtu aj u shpreh se në planet e afërta të tyre është krijimi i Akademisë së Sigurisë me studentët e drejtësisë, pasi mund të jetë një hap më afër Bashkimit Europian.
“E fundit që kam është Akademia e Sigurisë, janë bërë përmirësime të ndjeshme. Sepse për të pasur një polici shteti me të gjitha aspektet që prekin publikun. Ne na duhet një Akademi Sigurie në planin europian dhe ne nuk e kemi. Me planin për të përfshirë rreth 120 studentë të drejtësisë dhe me planin e krijimit të një Akademie do të jemi shumë shpejt në BE”, shtoi Rama.
