Liverpool ka barazuar pa gola (0-0) në ‘Anfield Road’ ndaj Stoke Cityt në ndeshjen hapëse të xhiros së 36-të.
Ky barazim nuk i shkoi përshtat skuadrës së Jurgen Klopp, që i nevojiten edhe katër pikë për të siguruar një vend që dërgon në Ligën e Kampionëve, ku i kanë mbetur edhe dy ndeshje deri në fund të sezonit.
Gjërat kanë mundur të shkojnë më mirë për Liverpoolin sikurse në minutën e 5’, Mohamed Salah të mos dështonte i vetëm përballë portierit të Stoke City.
Ylli egjiptian provoi parabolën, por topi i tij përfundoi jashtë portës, për të hedhur poshtë gjithë ato etiketimet për një “jashtëtokësor” që iu dhanë në javët e fundit, sidomos pas paraqitjeve në Ligën e Kampionëve ndaj Manchester Cityt dhe Romës.
