Ky është momenti kur gruaja e 35-vjeçarit Jetnor Zhabolit shoqërohet nga policia dhe një psikologe drejt banesës së saj në Tiranë.
Ajo është marrë në pyetje në Komisariat, ndërsa më pas, sipas Balkanëeb, së bashku me vajzën janë strehuar në familjen e prindërve të saj.
Zhabolit prej muajsh mbante të mbyllur në banesë gruan, vajzën dhe nënën e tij, të cilat i monitoronte me një mori kamerash.
Ai kishte vendosur kamera sigurie në të gjitha ambientet e brendshme e të jashtme të banesës, madje edhe në tualet, madje iu kishte ndaluar atyre të komunikonin me familjarë të tjerë duke u bllokuar edhe valët e telefonit.
35-vjeçari tashmë është arrestuar, ndërsa vijojnë hetimet për zbardhjen e plotë të ngjarjes që tronditi opinionin publik.
