Përfaqësuesja e Lartë e Bashkimit Europian Federica Mogherini, është shprehur se Shqipëria ka bërë hapa të rëndësishëm për integrimin e saj në BE.
Gjatë një konference të përbashkët me kryeministrin Edi Rama, Mogherini tha se Shqipëria ka bërë hapa para për reformën në drejtësi si dhe për uljen e kultivimit të lëndëve narkotike.
Ajo theksoi se negociatat mund të hapen në qershor, por së pari duhet të binden të gjithë vendet anëtare në BE.
Përfaqësuesja e Lartë e BE, theksoi se bindja e skeptikëve do të jetë dhe angazhimi saj deri në fund të këtij muaji.
“Një vit më pas keni treguar rezultate konkrete për reformat. Ju po kaloni një proces të rëndësishëm siç është reforma në drejtësi.
Ajo që është arritur në reformën e drejtësisë mbetet e paprecedent, sidomos në këtë rajon.
Një proces që mund të merret shembull. Vetingu i prokurorëve është i prekshëm. Sondazhet që nxori delegacioni europian tregon se 80 përqind e shqiptarëve e mbështet këtë reformë
Dua të përmend dhe uljen drastike të kanabisit. Monitorimi nga lartë kanë treguar rezultate mbresëlënëse.
Ju keni vazhduar të tregoni angazhim të reformave dhe keni treguar rezultate. Ne duhet të jemi mbështetës të integrimit në BE. Ndërsa, raporti në fund do e tregojë këtë mbështetje.
Nga ana jonë është përgjegjësia që të tregojmë arritjet dhe të përgjigjemi pozitivisht.
Unë besoj se është një objektiv i arritshëm,pra, çelja e negociatave në qershor. Por nuk është i lehtë, pasi duhet bindur çdo shtetë anëtatrë. Dhe ne duhet të angazhohemi në javët në vijim për këtë”,-tha Mogherini./ Opinion.al E.Xh.
