Kryeministri i Shqipèrisë, Edi Rama është nisur për në Bruksel, pasi është ftuar nga përfaqësuesja e lartë e Politikës së Jashtme dhe Sigurisë të Bashkimit Evropian, Federica Mogherini, në një darkë joformale me kryeministrat e Ballkanit Perëndimor. Rama shkon në këtë darkë pasi plotësoi kërkesën e BE për zgjidhjen e krizës politike.
Të pranishëm do të jenë edhe kryeministrat e Serbisë, Malit të Zi, Maqedonisë, Kosovës dhe Bosnjes.
Ndërkohë Maja Kocijancic, zëdhënësja e Mogherinit, ka deklaruar se tema e bisedës në këtë darkë do të jetë situata në rajon.
