Nuk ka ndjesi më të çmuar në botë se ajo e të qënurit prind. Pavarësisht se gjithmonë ka ekzistuar ‘debati’ nëse prind konsiderohet ai që të lind apo ai që të rrit, ajo për të cilën bien të gjithë dakort është dashuria që secili duhet t’i dhurojë fëmijëve.
Personazhe të njohur shqiptarë disa për shkak të pamundësisë për të qenë prindër biologjikë e disa për t’i dhënë një familje një fëmije të
të pafajshëm kanë zgjedhur të bëjnë gjënë më fisnike: të birësojnë një fëmijë. Ndonëse rastet mund të jenë më shumë, ne kemi përzgjedhur 5 personazhet shqiptare që kanë zgjedhur të birësojnë një fëmijë dhe e kanë pranuar publikisht vendimin e gjestin e tyre të jashtëzakonshme.
1- Fjodora Fjora
Fjodoroa Fjora birësoi vogëlushin Alteo, në vitin 2014. Ajo e birësoi atë si nënë e vetme. Sot jetojnë të dy në një apartament në Tiranë.
2-Arben Ristani
Ish-deputeti Arben Ristani ka treguar se ai dhe partnerja e tij Alketa kanë birësuar një fëmijë. Sot Tomasi është 4 vjeç e gjysëm.
3-Besnik Mustafaraj
Besnik Mustafaraj dhe bashkëshortja e tij kanë dy djem biologjik. Por më shumë se dhjetë vite më parë, ai u ndesh me sytë e një vogëlusheje në “Shtëpinë e Fëmijës”. Ata bënë birësimin e pjesshëm të vajzës, duke e ftuar atë në shtë për festa, dhe nëse një çift do ta birësojë vogëlushen duhet të marrë miratimin e Besnikut dhe bashkëshortes së tij, Donika.
4-Vera Laçi
Këngëtarja popullore Vera Laçi pëson humbjen më të madhe në jetë në prill të 2013-ës kur djali i saj i vetëm Deni ndërroi jetë tragjikisht në një aksident me motor. Pas kësaj ngjarjeje të rëndë, këngëtarja gjeti kurajon dhe forcën për të ecur përpara e për t’i dhënë dritë ditëve të saj. Një vit e gjysmë pas humbjes së djalit, këngëtarja vendosi të birësoj një vajzë 8muajshe të quajtur Dea, që sot është 5 vjeçe.
5-Serxho Guri
Djaloshi 23-vjeçar nga Shkodra Serxho Guri ishte një emër i panjohur për publikun shqiptar deri pak ditë më parë kur historia e tij frymëzuese pushtoi mediat. Familja e të riut së bashku me të pak vite më parë kishin marrë vendimin fisnik për të adoptuar Domenikun, një djalosh 9 vjeçar me sindromën Down, shkruan bordo.al Serxho e kishte njohur djalin e vogël gjatë kohës që ishte i angazhuar si vullnetar në një qendër fëmijësh me aftësi të vecanta në Shkodër.
