Mjete luksoze dhe drogë, arrestohet banda e Fushë-Krujës

Policia e Durrësit ka kryer një operacion masiv për shkatërrimin e një bande të kultivimit dhe shpërndarjes së drogës në Fushë-­Krujë.

Nga operacioni u arrestuan në flagrancë gjashtë persona, si edhe u sekuestruan 2 automjete dhe 12 aparate celularë.

Të arrestuarit e operacionit të koduar “Greps” janë:

Ylli I.Tema ,33 vjeç , banues në Larushkë, Fushë­Krujë;

Artur I.Tema 27 vjeç , banues në Larushkë, Fushë­Krujë;

Gëzim Tema 37 vjeç, banues në Greps, Fushë­Krujë;

Indrit Kapllani 31 vjeç, banues në Tapizë, Fushë­Krujë;

Gani Rama 47 vjeç , banues në Mafsheq, Fushë­Krujë;

Edmond Matja 37 vjeç , banues në Fushë­Krujë.

Arrestimi i tyre u bë pasi në fshatin Greps, në Nikël të Fushë­-Krujës, gjatë kontrollit të ushtruar në banesën e shtetasit, Gëzim Tema, të pranishëm edhe shtetasit e tjerë të arrestuar, u kapën në flagrancë duke paketuar një sasi lënde narkotike, me qëllim për ta shitur në qytetin e Fushë­-Krujës.

Në cilësinë e provave materiale u sekuestruan:

rreth 20 kg lëndë narkotike e dyshuar e llojit kanabis sativa;

mjeti tip BMW me targa AA 303 KZ;

mjeti tip Audi me targa AA 949 LE;

12 aparate telefoni celularë.

Policia thotë se shtetasit e mësipërm janë persona me precedentë penale të mëparshëm në fushën e lëndëve narkotike dhe armëmbajtjes pa leje.

/ Panorama.al